☆ Mernan GB ☆

2015-10-18

رسمي معفن

f:id:koochinko:20151018124330j:image:leftكالعاده انتي تعرفوني مني شاطره مرا بالأشياء الكتابيه بس أحس انو محد بيتكلم في الموضوع هادا بس اتوقع لازم ينقال


احم احم f:id:koochinko:20140428171101g:image


كلنا كرسامين عارفين انو احنا دايما ننتقد نفسنا و نقول اف رسمي مو حلو مدري ايش ، و الأسوأ من دا كلو انو احنا كلنا عندنا اذواق مختلفه جدا. و الاحتفاظ بأرائك على رسمك في العالم المهني ممكن يسببلك مشاكل.بس على اي حال الوصول للقمه شي مثير للاهتمام و يعطي للحياه طعم. قوتك كرسام مهمه لخطوات نجاحك... بس خليني أقولكم الأمر الواقع، كونك رسام محترف مهو بس عباره عن مجرد صور جميله، بالأحرى البزنس المختص بالمهنه دي أهم من المهنه نفسها. و أحيانا أفضل الفنانين اللي بعالمنا الحالي مهم محصلين وظايف جمب ناس انتا برأيك الشخصي تقول انو رسمهم مو مرا واو. و هادا بسبب انو رأينا و حكمنا على غيرنا مالو اي قيمه بالسوق الحالي.


لمن تكون رسام و انت مصدق انو رسمك مو مرا و محا يوصل للمستوى اللي انت متوقعو، اكيد في ناس حيوافقوك برأيك هادا. ممكن يقولو اشياء عنيفه بطريقه أليفه زي "اوه لسه قدامك شغل" او "ممم اها". و حا يوصفوا رسوماتك بأنها بمستوى كذا أو كذا... باختصار، كلام فاضي. أنت اكيد محا يكون عندك الشغل اللي حيناسب ذوق او احتياج مدير شركه تصميم بس هادا مو معناه ابدا و اطلاقا انو رسمك..معفن! و انا بقول هادا الشي بثقه تامه لاني اكيد محد فينا حاول يتجنب انو احد تاني ينتقده، في مكان و وقت ما، بس حط ببالك انو لو محد عبرك عشان يقولك انو رسمك مو حلو فاعتبر نفسك في منطقه خطر لانو هادا معناه انو محد قاعد بيشوف شغلك من أساسه...


اه الحقيقه المؤلمه في المهنه الفنيهf:id:koochinko:20140428171104g:image


في معاير كثيره ممكن نستخدمها عشان نحكم على رسمنا، فخلينا نحط فكره انو "انا فنان كويس" و "انا فنان سئ" على جمب... و حتا و لو كان رسمك معفن مرا هادا مو معناه انو انت ما عندك القابليه و الاحتماليه انك ممكن نتجح بالنهايه. اذا انت قدرت تجمع لنفسك جمهور معين فا رفض واحد من مخرج تصميم او مالك معارض مشهوره المفترض محا يأثر على وقت نموك في مهنتك. اذا انت قدرت تكسر الحواجز المصنوعه من أراء الناس المختلفه و حطيت لتفسك اسباب معينه بس عشان ترضي نفسك و محد غير نفسك، اذا انت قادر تسوي اي شي الان!!

و بالأحرى، اي عقلانيه تعاكس مفهومك الأساسي لأحلامك مهي غير مجرد صوت خافت من أعمق مخاوفك.


ثق بما يقوله لك الخوف، لأنه دائما حيوجهك للطريق المعاكس من وجهتو!!

スパム対策のためのダミーです。もし見えても何も入力しないでください
ゲスト


画像認証

トラックバック - http://d.hatena.ne.jp/koochinko/20151018/1445139622