Blogo de Morikawa

2008-05-01

[] Produktaj akcidentoj

Notu ke tiu ĉi artikolo estis kontribuiita al la Maja numero en 2008 de la Revuo Orienta, eldonita de Japana Esperanto-Instituto. 

Produktaj akcidentoj vaste informiĝas en Japanio

Japanaj entreprenoj emis kaŝi akcidentojn kaŭzitajn de siaj produktoj ĝis lastatempo. Remomeru diversajn produktajn akcidentojn.

[Unua ekzemplo] La specifaj aŭtomataj boliloj de la entreporeno A havis mekanikan difekton: malkomplena brulado sen moviĝo de ventolilo povis estigi “venenan” karbonan monooksidon. Tiuj akcidentoj mortigis entute 21 homojn dum 20 jaroj. La entrepreno A intencis kaŝi la akcidentojn; tial la amaskomunikoj samtempe kritikis ĝin kaj ĝi perdis sian socian konfidecon en 2005.

[Dua ekzemplo] La entrepreno B pozitive informis pri tiaj akcidentoj kaj penis rekolekti la specifajn uzitajn hejtilojn, eĉ malmultiginte reklamojn pri novaj bone-vendotaj televidiloj en 2005. Tiuj hejtiloj ankaŭ havis difekton ĉe siaj kaŭĉukaj tuboj, kaj karbona monooksido tralikiĝis post longedaŭra uzado. Fakte, ili mortigis du homojn malfeliĉe en 2005. Sed la entrepreno B ne perdas sian socian konfidecon de ĝeneralaj konsumantoj pro siaj informadoj.

[Tria ekzemplo] Paper-dispecigiloj estas ofte uzataj ankaŭ en hejmo por nuligi paperojn havantajn gravajn informojn, precipe por gardi individuajn informojn. Malfeliĉaj akcidentoj estis raportitaj en 2006: malgrandaj infanoj perdis siajn ĉarmajn fingrojn enmetinte ilin en dispecigilojn, kies tranĉilo senkompate tranĉis ilin.

Post tiaj akcidentoj, la Ministerio pri Ekonomio, Komerco kaj Industrio (MEKI) finfine amendis la leĝon pri sekureco de konsumataj produktoj en 2007. Tiu ĉi amendo devigas entreprenojn raporti gravajn akcidentojn kaŭzitajn de siaj produktoj por konsumantoj. La Nacia Institucio pri Teknokologio kaj Elvalorigo (NITE), organizo rilata al MEKI, kolektas akcidentajn raportojn el entreprenoj, konsumantoj kaj publikaj oficejoj. Kvanto de kolektitaj raportoj en NITE pli kaj pli multiĝis: 2,721 en 2004, 2,952 en 2005 kaj 4,084en 2006. Oni antaŭsupozas ke raportoj pri akcidentoj en 2007 superos 10,000, ĉar la amendita leĝo akcelis entreprenajn raportadojn.

Oni povas facile legi akcidentajn raportojn el la japanlingva retejo “www.nite.go.jp”.

「日本で製品事故情報が広く通知」

給湯器、暖房機、シュレッダー等の製品事故が相次いだため、2007年に消費生活用製品安全法が改正され、重大事故の報告が義務付けられた。2007年度の件数は1万件を超えると予想されている。

2008-02-01

[] Senkontakta karto

Notu ke tiu ĉi artikolo estis kontribuiita al la Februara numero en 2008 de la Revuo Orienta, eldonita de Japana Esperanto-Instituto. 

Senkontaktaj Kartoj furoras en Japanio

Ĉiutage milionoj da pasaĝeroj pasas tra aŭtomata bilet-kontrola maŝino por uzi trafikilon en kaj ĉirkaŭ Tokio. Multaj pasaĝeroj pasas tra la maŝino nur tuŝinte per sia karto ĝian certan ebenan parton. Kiamaniere ili povas pasi tra la maŝino? Tiu ĉi karto enhavas senkontaktan komunikeblecon nomatan SUICA (Supera Urba Inteligenta Karto), aŭ PASMO. La ebena parto estas Legilo/Skribilo por legi kaj skribi datumojn el/en tiu karto. Nome la maŝino kapablas kontroli pasaĝeran karton senkontakte, ĉu ĝi estas ĝusta aŭ ne. Nun estas uzataj ĉirkaŭ 30 milionoj da senkontaktaj kartoj, kaj tiaj kartoj pli kaj pli disvastiĝas tra la tuta Japanio. Ĝi estas uzata ankaŭ kiel elektronika mono. Oni povas aĉeti ion en vendejo uzante ĝin eĉ sen mono.

La senkontakta karto ne havas en si propran energi-fonton kiel baterion. Kiamaniere ĝi kaptas energion? La legilo sendas energion al ĝi senkontakte. Ĝi konsistas el nur du elektronikaj pecoj: Antena boneno kaj ICo (Integra Cirkvito). La ICo inkluzivas elektronikan cirkvitaron de malmoduligo/moduligo por signalo, logiko, kaj ne-volatila memorigilo, kiu konservas datumojn sen baterio. La legilo radias alternan magnetan kampon kun la frekvenco de 13.56 MHz. Tuj kiam ĝi proksimiĝas al la legilo, elektra tensio estiĝas en ĝia bobeno laŭ la fenomeno de elektro-magneta indukto, kiun karaj legantoj certe lernis kiel principon de Elektra produkto en scienca leciono de meza lernejo. Akirinte elektron, la ICo interŝanĝas datumojn kun la legilo. Ideo pri la senkontakta karto supozeble naskiĝis en 1940-aj jaroj, sed ĝi ne efektiviĝis longe. Lastatempa revolucia progreso de ICa tekniko efektivigis ĝin.

Kio estas futura problemo por la senkontakta karto en Japanio? Internacie troviĝas la komuna komuniko-metodo por senkontakta karto. Tiu ĉi internacia karto estos uzata kiel pasporto kaj internacia aŭtista licenco ktp. En Japanio oni ofte uzas karton nomatan FeliCa, produktita de unu entrepreno. Ĝi estas aplikata kiel divers-specaj kartoj: SUICA, ICOCA, Edy kaj aliaj. Ĝi estas uzata nur en Japanio kaj Honkongo, sed ne internacie. Tio povas esti ja futura problemo pri internacia uzado de la kumuna senkontakta karto.

Notu ke la malsupra figuro ne estis aperigita en la artikolo de La Revuo Orienta.

f:id:kzmorikawa:20080211131210j:image

       Fizika principo de "Senkontakta karto"

「非接触カードが日本で流行」

JR等の交通機関や電子マネーで非接触カードが3000万枚以上発行。その動作原理。将来の課題は、日本の交信方式が国際共通ではないこと。

2007-10-28

[] Prelego en Japana Kongreso

Mi havis la prelegon "Elektronika Aparataro kaj Ekologio" en "Esperanto-Universitateto", unu el fakkunsidoj en la 94a Japana Esperanto-Kongreso] en Gunma.

Vi povas libere elŝuti la PDF-dosieron el la retpaĝo de RH-informilo.

2007-08-17

[] Gastigi Leo kaj Cosima

Mi kaj miaj familianoj gastigis Leo kaj Cosima. Ili tranoktis en mia domo en la 15a kaj la 16a de aŭgusto. Ili certe ĝuis Japanan familiecon.

f:id:kzmorikawa:20070816190431j:image

De maldekstre: Cosima, Leo, Tamaka, Syoko, Taiki, Kotaro

2007-08-04

[] Movada Foiro de la 92a UK

Por la Movada Foiro de la 92a Universala Kongreso okazigita en Jokohamo, mi prezentis la jenajn dokumentojn pri Rondo Harmonia.

f:id:kzmorikawa:20070812154459j:image